Më 5 janar 1953 lind në Queens të New Yorkut, George Tenet. Tenet, është një ish Drejtor i Agjencisë Qëndrore të Inteligjencës (CIA) së Shteteve të Bashkuara. Ai shërbeu si drejtori më jetëgjatë i CIA-s në këtë post, nga viti 1996 deri në 2004.
George Tenet, rrjedh nga një familje me origjinë nga Jugu i Shqipërisë, dhe konkretisht nga fshati i Qeparoit në krahinën e Himarës. Tenet, gjatë peridhës së drejtimit të i CIA-s, u përball me një sërë problemesh të mëdha si, revoltat e 1997 në Shqipëri, lufta në Kosovë, sulmet terroriste të 11 Shtatorit në SHBA, si dhe çlirimin e Afganistanit dhe Irakut.
Tenet mbajti pozicionin si DCI nga korriku 1997 deri në korrik 2004, duke e bërë atë drejtorin e dytë më jetëgjatë në historinë e agjencisë – pas Allen Welsh Dulles – si dhe një nga të paktat DCI që shërbeu nën dy presidentë të SHBA-ve të politikës kundërshtare. Ai luajti një rol kyç në mbikëqyrjen e inteligjencës në lidhje me armët e shkatërrimit në masë përpara Luftës së Irakut. Një raport i Inspektorit të Përgjithshëm të vitit 2005 zbuloi se Tenet mban “përgjegjësinë përfundimtare” për dështimin e inteligjencës së Shteteve të Bashkuara për të zhvilluar një plan për të kontrolluar al-Kaedën përpara 11 shtatorit. Tenet është kritikuar për autorizimin personal të përdorimit të teknikave të torturës brutale dhe joefektive nga CIA gjatë mandatit të tij, në kundërshtim me ligjin ndërkombëtar.
Në prill të vitit 2007, Tenet publikoi kujtimet e tij të titulluar Në qendër të stuhisë: Vitet e mia në CIA, i cili u shkrua me Bill Harlow.
Në shkurt 2008, ai u bë drejtor menaxhues në bankën e investimeve Allen & Company.
Tenet është i martuar me A. Stephanie Glakas-Tenet. Ata kanë një djalë, John Michael.
