Covid/ Omicron ndalon në fyt dhe “ruan” mushkëritë

113 563 lexime

106,048FansaPëlqeje

A infekton vërtet Omicron më shumë fytin dhe më pak mushkëritë? Duket kështu: prandaj përhapet më lehtë, por shkakton sëmundje më pak të rënda.

Ndërsa numri i personave pozitivë ndaj Covid rritet, kërkimet vazhdojnë të kuptojnë plotësisht se si funksionon varianti i ri Omicron: studimet e fundit arrijnë në përfundimin se Omicron duket se infekton më lehtë fytin dhe më pak mushkëritë sesa variantet e mëparshme të SARS-CoV-2. Kjo do të shpjegonte se si ka ngjitshmërinë më të madhe ashtu edhe ashpërsinë më të ulët – kjo karakteristikë e fundit e theksuar tashmë në një studim të Afrikës së Jugut në fund të dhjetorit, i cili zbuloi një ulje prej 80% të numrit të shtrimeve në spital për Omicron në krahasim me variantet e mëparshme.

“Mutacionet e ndryshme në Omicron mund të kenë ndryshuar aftësinë e tij për të infektuar qelizat,” i tha The Guardian Deenan Pillay, profesor i virologjisë në UCL . Varianti i ri duket se sulmon më shumë traktin e sipërm respirator, duke prekur qelizat e fytit. Kur një virus replikohet në fyt, ai është më i transmetueshëm, ndërsa nëse është i aftë të infektojë indet e mushkërive është potencialisht më i rrezikshëm, por më pak i transmetueshëm.

Një studim i Grupit Kërkimor të Virologjisë Molekulare të Universitetit të Liverpool-it zbuloi se minjtë e infektuar me Omicron humbën më pak peshë, kishin ngarkesa më të ulëta virale dhe morën pneumoni më pak të rënda sesa ata të infektuar me Delta: një tjetër kërkim i kryer mbi hamsterët sirianë doli në përfundime të ngjashme, ndërsa një studim nga Qendra për Kërkimin e Viruseve në Universitetin e Glasgow zbuloi se Omicron ndryshoi mënyrën se si hyn në trupin tonë, duke shmangur mbrojtjen e dhënë nga dy doza të vaksinës.

Lexo edhe :  Kosova shpall “non grata” një zyrtar rus, bënte presion mbi serbët e veriut për të ndërmarrë veprime radikale

“Rezultatet e këtyre studimeve janë qetësuese, por ato në asnjë mënyrë nuk duhet të na bëjnë të humbasim vigjilencën,” paralajmëron James Stewart (Universiteti i Liverpulit). Virusi është ende shumë i rrezikshëm për subjektet më vulnerabël dhe aq më tepër për ata që nuk janë të vaksinuar.


Të fundit

Covid/ Omicron ndalon në fyt dhe “ruan” mushkëritë

A infekton vërtet Omicron më shumë fytin dhe më pak mushkëritë? Duket kështu: prandaj përhapet më lehtë, por shkakton...

A ekzistonin vërtet magjistarët?

Pa to, skena e lindjes së Krishtit nuk është e plotë. Tradicionalisht më 6 janar, në ditën e Epifanisë, festohet vizita e tyre tek fëmija...

Plagosja në Shkodër/ Arrestohet Vinçens Piroli dhe kushëriri që e çoi në spital, Marjan Marku

Vinçens Piroli, 34-vjeçar, i cili qëllua me pistoletë silenciator më 3 janar, u ndihmua nga 1 person që e ka dërguar në spital dhe...

Akuzohet se fshehu 60 mijë euro kur ishte deputet, policia çon në prokurori Myslim Murrizin

Ish-deputeti Myslim Murrizi është kallëzuar në Prokurorinë e Tiranës me akuzën e pastrimit të parave dhe fshehjes së të ardhurave. Përmes firmës së tij 'Murrizi...

Plas sherri në Përmet, plagoset me sende të forta 43-vjeçari

Një 43-vjeçar ka mbetur i plagosur sot në Përmet pas një sherri për motive të dobëta. Ngjarja ndodhi rreth orës 13:45. Burime zyrtare bënë me...

Lajme të tjera

Web TV