Studimi i ri: I ftohti i zakonshëm mund të na mbrojë nga koronavirusi

113 563 lexime

124,178FansaPëlqeje

Në Shtetet e Bashkuara çdo i rritur preket nga i virusi i të ftohtit, zakonisht një ose dy herë në vit. Ai shfaqet përgjithësisht me simptoma të lehta, por sipas disa studime të reja prekja nga i ftohti i zakonshëm, mund të ofrojë mbrojtje ndaj një virusi shumë më të rrezikshëm, siç është koronavirusi.

Shkencëtarët kanë patur gjithnjë pikëpyetje se përse disa njerëz janë në gjendje t’i rezistojnë infektimit nga koronavirusi megjithë ekspozimin ndaj tij për periudha të zgjatura.

Për këtë arsye, shkencëtarët në Kolegjin Imperial të Londrës vendosën të testojnë një teori: se një tip qelizash të bardha të quajtura qelizat T, të cilat i prodhon trupi për të luftuar të ftohtin e zakonshëm, mund të ofrojnë një nivel mbrojtjeje.

“Infektimet e mëparshme me koronaviruset e të ftohtit normal, pra këta janë kushërinj të largët të SARS-CoV-2 që shkakton COVID-in, mund të gjenerojnë qeliza T që do të ishin në gjendje të identifikojnë dhe të sulmojnë virusin SARS-CoV-2. Kjo është teoria që filluam të testojmë”, thotë Ajit Lalvani, profesor në Kolegjin Imperial të Londrës.

Studimi filloi në shtator 2020, përpara se të fillonin programet e vaksinimit masiv, dhe përpara se shumica e njerëzve të ishin infektuar nga COVID-i.

Shkencëtarët testuan gjakun e 52 personave që jetonin në të njëjtën shtëpi me një person të infektuar nga virusi SARS-CoV-2 që shkakton COVID-in. Gjysma e tyre u infektuan me COVID, por gjysma jo.

“Ata që kishin paraprakisht qeliza T të gjeneruara nga virusi i të ftohtit të zakonshëm, të cilat mund të diktonin dhe të sulmonin SARS-CoV-2, nuk u infektuan”, thotë Lalvani.

Vaksinat e tanishme janë projektuar për të krijuar një përgjigje imunitare ndaj proteinave në gjembat e strukturës së jashtme të koronavirusit, të cilat mundësojnë mutacionet dhe shmangien e sistemit imunitar.

Lexo edhe :  Zjarri në landfillin e Elbasanit/ Mbërrin në vendngjarje ministri Pirro Vengu (VIDEO)

“Ndërsa qelizat mbrojtëse T që ne zbuluam orientohen kundër proteinave në bërthamën e virusit, proteinave të brendshme. Dhe këto proteina ndryshojnë shumë pak. Pra, gjetjet tona ofrojnë mundësinë për prodhimin e një vaksine universale që gjeneron qelizat T për të mbrojtur njerëzit kundër varianteve të tanishme dhe të ardhshme të COVID-it”, thotë Lalvani.

Ky është një lajm ngazëllyes, por prodhimi i një vaksine të tillë është ende larg. Ndërkohë, autorët e studimit theksojnë se askush nuk duhet t’i mbajë shpresat se infektimi nga i ftohti i zakonshëm do t’i ofrojë imunitet ndaj COVID-it dhe thonë se vaksinimi është mbrojtja më e mirë./VOA/

Të fundit

Vetëm 4 ditë punë në javë! Dubai ndryshon orarin në sektorin publik gjatë verës

Nga 1 korriku deri më 12 shtator 2025, punonjësit e sektorit publik në Dubai do të përfitojnë nga një javë pune me...

Pronari i kabinave në Theth është njeriu që planifikoi të vriste Kurtin

Kabinat pa leje në Theth, të cilat përplasën kryeministrin Edi Rama me prokurorinë e Shkodrës, janë në pronësi të Prek Kodrës. Report Tv mëson se...

“Shtyj ata, shtyj unë”/ Flet nëna që u përplas me policët për të takuar Ramën

Pamjet e kësaj të moshuare, kur këtë të hënë kërkonte të bisedonte me kryeministrin Edi Rama në Vlorë, u bënë virale në rrjet. Euronews Albania...

Task Forcë për produktet bujqësore dhe blegtorale, nis fushata për formalizimin e tregut

Drejtoria e Përgjithshme e Tatimeve ka nisur një fushatë informuese dhe ndërgjegjësuese për tatimpaguesit që merren me tregtimin e produkteve bujqësore dhe blegtorale. Në njoftimin...

Situatë kritike në Dukat, helikopteri ndërhyn për të shuar zjarrin në malin Vastak

Vatrat e zjarrit në malin Vastak vijojnë të jenë aktive, në fshatin Dukat, ndërsa kanë dalë jashtë kontrollit pavarësisht orëve të tëra përpjekjesh nga...

Lajme të tjera

Web TV