Suedezi Anis Hemissi është dënuar me burgim të përjetshëm nga gjykata angleze për vrasjen e 36-vjeçarit shqiptar Flamur Beqiri pas prishjes së pazareve të drogës.
Beqiri u ekzekutua në sy të gruas dhe djalit teksa ishte duke hyrë në shtëpinë e tij në Londër. 36-vjeçari shqiptar ishte duke u kthyer për në shtëpi teksa më parë kishte darkuar me gruan kur hasi përballë shtëpisë së tij suedezin me orgjinë tuniziane, Anis Hemissin.
24-vjeçari e qëlloi Flamur Beqirin me armë zjarri duke e lënë të vdekur në vend. Përpara të se vriste shqiptarin, suedezi së bashku me bashkëpunëtoret e tij kishte studiuar të gjitha lëvizjet e 36-vjeçarit, shkruan Daily Mirror.
Hemissi kishte fluturuar nga Suedia drejt Britanisë së Madhe pikërisht me porosinë për ekzekutuar shqiptarin dhe për ta arritur këtë ai u maskua me uniformën e punës si pastrues mbeturinash. Atij iu desh të priste 4 orë Flamur Beqirin, derisa të hasej me të për ta ekzekutuar me tetë plumba. Autori i krimit përdori një xhaketë, pantallona të forta, syze dielli dhe një maskë lateks për të mbuluar fytyrën. Atij iu desh të priste 4 orë Flamur Beqirin, derisa të hasej me të për ta ekzekutuar me tetë plumba. Autori i krimit përdori një xhaketë, pantallona të forta, syze dielli dhe një maskë lateks për të mbuluar fytyrën. Për t’u larguar ai përdori një biçikletë për femra, gjë që e bëri të bjerë në ‘kurthin’ e policisë. Mediat britanike kanë publikuar edhe momentin e arratisjes me biçikletë të Anis Hemissit pasi vrau shqiptarin Flamur Beqiri.
Ky i fundit e kishte braktisur botën e krimit dhe trafikut të drogës dhe ishte martuar, duke shijuar jetën e tij falë ‘punës’ së mëparshme, e duke udhëtuar sa në Como të Italisë, apo në Dubai të Emirateve të Bashkuara Arabe.
36-vjeçari shqiptar me nënshtetësi të Kosovës dhe suedeze deklaronte tek të tjerët se kishte në hyrë në biznesin e muzikës, por në të vërtetë ai ishte i përfshirë që prej vitit 2007 në tregtinë ndërkombëtare të drogës nga Spanja, përmes Holandës e deri në Skandinavi, ndërsa ishte arrestuar disa herë në Evropë.
Jeta që kishte bërë më parë, e shqetësonte atë vazhdimisht dhe frikësohej për sigurinë e tij deri kur në 24 dhjetorin e vitit 2019, ai u shemb përtokë nga plumbat e suedezit në sy të gruas dhe djalit të tij.
