Është rënduar bilanci i aksidenti t të rëndë që ndodhi në orët e para të mëngjesit të sotëm në aksin rrugor Milot-Fushë Krujë.
Mësohet se 34-vjeçarja Rudina Haka ka humbur jetën në spitalin e Traumës, në Tiranë, ku u dërgua për mjekim pas plagëve të marra.
Haka është viktima e 5-të ek ëtij aksidenti, teksa më herët kanë ndërruar jetë dy drejtuesit e mjeteve të aksidentuar, Alfred Dika 39 vjeç dhe Artan Alushi, 30 vjeç. Viktima mbetën dhe pasagjerët Shkumbin Brati 20 vjeç, dhe Almenia Karaj 16 vjeçe, të cilët po udhëtonin në mjetin që drejtonte 30-vjeçari Alushi.
Ngjarja ndodhi rreth orës 00:15 pas mesnatës së djeshme. Policia dhe grupi hetimor po vijojnë punën për zbardhjen e plotë të rrethanave të aksidentit tragjik.
