“Unë nuk kam humbur asnjë garë në jetën time.” Kështu u shpreh Lulzim Basha për gazetarët pas rezultatit të zgjedhjeve të pjesshme zgjedhore, ku PD doli e treta në 5 nga 6 bashkitë, në garë me PS dhe Koalicionin e Lirisë.
Këtë deklaratë të Bashës, gazetari Roland Qafoku e quan “humor i pavetëdijshëm”.
“Humor i pavetëdijshëm, kështu i quante këto Faik Konica kur këpuste ndonjë mufkë ndonjë ministër i Jashtëm në Tiranë, ai nga Ushingtoni thoshte se është humor i pavetëdijshëm”, tha Qafoku në emisionin Now.
Qafoku tha se çështja nuk është më për Bashën dhe Berishën, por për Shqipërinë që ndodhet në një udhëkryq politik.
“Është çështje alarmante dhe kombëtare, po diskutojmë ekzistencën e opozitës për fajin e opozitës dhe Lulzim Bashës”, u shpreh Qafoku./ Euronews Albania
