Vladimir Putin është mbështetur ‘për muri’ dhe sipas Joe Bideni, Rusia nuk do të hezitojë të përdorë armë kimike dhe biologjike në Ukrainë.
Ushtria ukrainase njoftoi të martën se banorët duhet të mbrohen edhe më shumë nga bombardimet ruse, në anën tjetër presidenti amerikan ka dhënë një paralajmërim të fuqishëm se Moska po shqyrton mundësinë e përdorimit të armëve kimike dhe biologjike.
Gjithashtu është bërë e ditur se trupat ruse kanë dështuar të marrin nën kontroll kryeqytetin ukrainas Kievin për katër javë, duke mos zgjidhur objektivat.
Biden gjithashtu paralajmëroi se Rusia ka bërë akuza të pavërteta se Kievi posedon armë biologjike dhe kimike me qëllim që Vladimir Putin të ketë arsye t’i përdorë ato në Ukrainë.
“Ai po pretendon se Ukraina ka armë biologjike dhe kime. Është një shenjë e qartë që Putin planifikon t’i përdorë të dy llojet ”, shtoi presidenti amerikan i cili që nga fillimi i pushtimit rus në Ukrainë ka dalë hapur në mbrojtje të popullit ukrainas.
