SPAK ka nisur një operacion për arrestimin e disa personave që dyshohet se janë përfshirë në aferën e Inceneratorëve.
Fjala.al mëson se në total janë dhënë 20 urdhër arreste duke përfshire dy inceneratorët, Fier dhe Elbasan. Deri në këtë fazë 7 urdhër arreste janë ekzekutuar nga policia, teksa 5 të tjerë janë në kërkim dhe 8 janë me masa në gjendje të lirë.
Operacioni i sotëm po bëhet kryesisht për inceneratorin e Fierit. Është arrestuar drejtori i Albpetrol Florian Muçaj, që më parë ka qenë anëtar i Komisionit të Prokurimit për inceneratorin e Fierit. Personat e tjere të arrestuar anëtare të komisionit të prokurimit.
Për këtë çështje është marrë në pyetje dhe kryetari i bashkisë Fier, Armando Subashi.
I arrestuar gjithashtu është edhe Loran Dusha, Administrator i Inceneratorit “Integrated Technology Ëaste Treatment Fier”. Gjithashtu, mësohet se një nga urdhër arrestet është prerë për Ariola Kodra, Administratore e Inceneratorit Integrated Energy BV SPV.
