Muzikanti, Boiken Lako është dënuar nga Gjykata e Tiranës me tre vite burg, të cilat janë konvertuar në shërbim prove. Po ashtu, ka marrë një gjobë prej 500 mijë lekësh (të vjetra) nga IKMT. Gjithçka ndodhi pasi muzikanti, ka bërë hapjen e katër dritareve në njërën faqe të objektit, të cilin do ta kthente në studio muzikore.
Shkelja
Lako kishte marrë një ambient të shkatërruar në zonën e NISHERAKU-t në Tiranë duke tentuar ta kthente në studio muzikore. Ambienti ishte i papërdorshëm dhe rrjedhimisht kërkonte rikonstruksion.
Për të bërë këtë, Lako ka marrë një leje në minibashkinë nr.7 për të kryer punime. Por, një telefonatë në bashki bëri që atje të shkoni inspektorët dhe të vërtetonin se gjatë punimeve ishin hapur pa leje katër dritare në katin e dytë të ndërtesës. Kjo ka qenë edhe shkelja e kapur prej tyre që çoi Lakon para gjykatës edhe pse kishte marrë leje për kryerjen e punimeve.
Si u spiunua Bojken Lako
Deklarimi i muzikantit
Në deklarimet e tij Boiken Lako është shprehur se me “lejen” me të cilën ishte paisur, ka menduar që mund të bënte ndërhyrje, duke hapur edhe dritaret në katin e dytë dhe të mos kishte problem, por shkresa e Njësisë Administrative Nr.7 është bërë nga pronari dhe jo nga Boiken Lako dhe saktësisht është kërkuar që në objekt të kryhen “ suvatime të pjesshme, lyerje si dhe riparime elektrike dhe hidraulike” si dhe përmendet se ndërhyrjet e bëra jashtë kësaj kërkese dhe rregullores së Zhvillimit të Territorit e ngarkon subjektin me përgjegjësi ligjore.
Arsyetimi i gjykatës
Boiken Lako u dënua me burg (vendim i konvertuar në shërbim prove) edhe pse kishte marrë leje për kryerjen e punimeve në një ambient të ish-NISHERAKUT në Tiranë, të cilën do ta kthente në studio muzikore.
Gjyqtari që ka firmosur vendimin është treguar “i mëshirshëm” ndaj Lakos duke theksuar se ai kishte pranuar “krimin” dhe se ishte treguar bashkëpunëtor gjatë procesit gjyqësor, si edhe nuk ishte i dënuar më parë.
Të treja këto fakte bëjnë që sipas gjyqtarit dënimi me burg të konvertohej në shërbim prove. Gjatë kësaj periudhe Lako duhet të kontaktojë në mënyrë periodike agjentët e shërbimit të provës si edhe nuk duhet të kryejë vepra të tjera penale.
Gjykata e Tiranës ka dënuar me 3 vite burg muzikantin Bojken Lako, vendim që është konvertuar me shërbim prove. Ishte 16 shkurti i vitit 2021, kur një telefonatë denoncuese mbërrin në Komisariatin Nr. 2 në Tiranë.
Qytetari, i shqetësuar nga zhurmat e punimeve në një godinë aty pranë, ka njoftuar policinë duke theksuar se ndërtimet, po zhvilloheshin pa lejen përkatëse.
Policia më pas mbërrin në vendngjarje dhe konstaton se në katin e dytë në një ambient në ish-NISHARAK, po kryheshin punime nga Lako. Këngëtari kishte në plan që të rikonceptonte godinën e vjetër, në një studio muzikore, pjesë integrale e punës së tij prej artisti.
