Dita e djeshme ishte e mbushur plot spektakël në botën e sportit ku vëmendjen e rrëmbeu finalja dramatike e ‘Copa del Rey’ në Spanjë. Real Betis arriti të mposhtë Valencian në goditjet e penalltive duke siguruar kështu trofeun e parë pas 17 vitesh. Në Francë, PSG i mjaftoi një barazim për të ezauruar titullin e 10 kampion në historinë e klubit.
Ja disa nga titujt kryesorë nga mediat më të njohura sportive:
Prestigjozja spanjolle “AS” hapet me titullin: Betis prek qiellin. Kapiteni Joaquin ngre lart trofeun e fituar për herë të fundit në vitin 2005.
“Kënaqësi maksimale” shkruan “Marca” për suksesin e udhëhequr nga trajneri Manuel Pellegrini.
“Shumë Betis” shkruan spanjollja “Mundo Deportivo” me Valencian që i imponohet ekipit të Betis pas serisë së penalltive.
Gazeta “Sport” i kushton një vëmendje të veçantë Barcelonës me titullin “Champions nuk mund të presë”. Ekipi katalanas përballet sot ndaj Rayo Vallecano-s dhe kërkon një tjetër fitore për të siguruar zonën Champions League për sezonin e ardhshëm.
Francezja “L’Equipe” hapet me titullin “Ylli pa shkëlqim”, duke iu referuar kështu suksesit të PSG në Ligue 1 por me një sezon relativisht zhgënjyes.
Gazeta italiane “La Gazzetta dello Sport” hapet me titullin: “Inter kërcen trefish”, me ekipin e Inzaghit që fitoi bindshëm mbrëmjen e djeshme ndaj Romës me rezultatin 3-1 dhe tashmë pret kundërpërgjigjen e Milanit që përballet sot me Lazion në transfertë.
Portugezja “Abola” vjen me titullin “Pothuajse pika përfundimtare” me kampionatin portugez që është drejt fundit. Porto ndodhet në vendin e parë 9 pikë larg vendit të dytë të Sporting.
