Sam Asghari nuk do të marrë shumë, në mos asgjë, nga Britney Spears nëse gjërat mes tyre nuk shkojnë mirë. Të sapomartuarit kanë nënshkruar një kontratë paramartesore që siguron se 28 vjeçari nuk do të marrë asgjë nga pasuria miliona dollarëshe e yllit të muzikës pop.
“Britney dhe Sam nënshkruan një kontratë martesore në favor të saj. Çdo para që ajo ka fituar para dasmës është e mbrojtur.”, theksoi një burim për Page Six. Këngëtarja 40 vjeçare u martua me Asghari në shtëpinë e saj në Los Angeles disa ditë më parë përpara 60 të ftuarve.
Në mesin e të ftuarve ishte dhe Madonna, Selena Gomez, Paris Hilton dhe Dreë Barrymore, të cilët festuan në krah të tyre gjatë gjithë natës. Prindërit e Britney, Jamie dhe Lynne Spears, dhe motra e saj më e vogël, Jamie Lynn Spears, nuk ishin të pranishëm në dasmë.
Djemtë e saj, Sean Preston, 16 vjeç dhe James Jayden, 15 vjeç, gjithashtu nuk morën pjesë. Gjatë ceremonisë u shënua dhe një incident, pasi ish burri i këngëtares, Jason Alexander, u arrestua jashtë shtëpisë së saj për tentativë për të prishur dasmën.
