Moderatorja Arbana Osmani ka rrëfyer për ndjekësit e saj në Instagram, frikën më të madhe që ka për fëmijët e saj.
Gjithçka nisi nga pyetja e një ndjekësji, i cili ishte kureshtar nëse kanë qenë të vështira vitet e adoleshencës për të. Moderatorja tregoi se në fakt është shumë e shqetësuar për fëmijët e saj që do të jetojnë në epokën e rrjeteve sociale.
“Jo, jo vërtet. Jam shumë më e shqetësuar për fëmijët e mi që do të jetojnë vitet e tyre të adoleshencës në mediat sociale dhe bullizmin online. Jam e tmerruar nga ajo”– shkruan Arbana.
Në bisedën virtuale me ndjekësit e saj Arbana zbuloi gjithashtu detaje nga shtatzënia.
Një ndjekëse e pyeti moderatoren për nepset që ka, teksa është në muajt e fundit të shtatzënisë.
“Kam hequr dorë nga karbohidratet dhe sheqeri këtë muaj, kështu që çdo lloj buke, makaronash, akulloresh, duken shumë të shijshme sa të ‘lëshosh lëng nga goja’ tani”– iu përgjigj Arbana.
“Të kam parë nga afër edhe nuk je shëndoshur, nuk ke as celulit”- shkroi ndjekësi, ndërsa Arbana në përgjigjen e saj la të kuptohej se është krejt e kundërta madje ajo tha se po shton çdo ditë më shumë.
“Mos më ke parë nga larg se nga afër… Nejse, thjesht gjatë të treja shtëzënive kam ngrënë shumë shëndetshëm se gjatë gjithë pjesës tjetër të jetës time dhe kam prië 3 litra ujë në ditë që kur nuk jam shtatzënë kam qejf ti zëvendësoj me ndonjë gotë verë/gin tonic”– shkruan Arbana.
Fundjavën e kaluar ajo bashkë me Eduartin dhe djemtë e tyre e kaluan në Bogë, atje ku kishin ndërtuar një shtëpizë familjare prej druri. Mes fotove të postuara, ajo ka ndarë një me gjithë familjen me sfond natyrën./panorama/
