Kina ka kufizuar tregtinë e saj me Tajvanin në mes të tensioneve të ngritura lidhur me vizitën e Kryetares së Dhomës së Përfaqësuesve të Shteteve të Bashkuara, Nancy Pelosi në Tajvan
Autoritetet kineze të tregtisë dhe doganave njoftuan sot kanë ndaluar eksportet e rërës, një material kyç i përdorur në ndërtim, dhe importet e agrumeve tajvaneze.
Administrata e Përgjithshme e Doganave të Kinës tha se importet e ushqimeve u ndaluan për shkak të pranisë së pesticideve dhe koronavirusit në disa dërgesa, ndërsa Ministria e Tregtisë tha se kishte pezulluar eksportet e rërës në përputhje me dispozitat ligjore të papërcaktuara.
Njoftimet vijnë pasi Pelosi ndodhet në një vizitë të profilit të lartë në Tajvan, pavarësisht paralajmërimit të Pekinit për “pasoja të rënda” nëse politikanja demokrate demokrate bën udhëtimin.
Masat tregtare pasojnë një njoftim nga agjencia doganore e Kinës të hënën se kishte futur në listën e zezë më shumë se 100 marka ushqimore tajvaneze për dështimin në rinovimin e regjistrimit të tyre të eksportit.
