Ministria e Jashtme ruse ka përshëndetur Parlamentin Shqiptar për miratimin e rezolutës kundër raportit të Dick Marty për trafikun e qenieve njerëzore. Ndonëse në linjë tjetër, ajo kërkon dënim të ashpër përpersonat e përfshirë.
Parlamenti Shqiptar para dy javësh ka miratuar rezolutën kundër raportit të Dick Martyt. Me 125 vota pro duke bërë mazhorancën dhe opoztën bashkë ato kaluan rezolutën ku kanë kundërshtuar raportin reporterit Dick Martyn për krime njerëzore në Kosovë. Për këtë ka reaguar edhe Ministria e Jashtme e Rusisë. Zëdhënësja e ministrisë së Jashtme ruse, Maria Zakharova shprehet e vendosur se personat e përfshirë në këto krime lufte duhet të përballen ashpër me një dënim të ashpër. “Parlamenti shqiptar miratoi një rezolutë që kundërshton akuzat në lidhje me trafikimin e organeve në Kosovë dhe Shqipëri. Ne mbetemi të vendosur në qëndrimin tonë se personat e përfshirë në këto krime duhet të përballen me një dënim të ashpër dhe të drejtë.”
Çfarë parashikon rezoluta
Më 125 vota pro, asnjë kundër dhe asnjë abstenim, rezoluta që kaloi në Kuvendin e Shqipërisë i bën thirrje Asamblesë Parlamentare të Këshillit të Evropës të bëjë një rishikim të Rezolutës 1782, që shërbeu si pikënisje për ngritjen e Speciales. Të gjitha pretendimet e ngritura për trajtim çnjerëzor të personave dhe trafikim të paligjshëm të organeve njerëzore në Shqipëri dhe/apo në Kosovë, rezoluta thotë se mbeten të paargumentuara, të paprovuara dhe të pabazuara në prova e fakte, ndaj dhe duhet të konsiderohen si të tilla nga të gjitha institucionet kombëtare dhe ndërkombëtare.
Raporti i Dick Marty
Me 166 vota pro dhe vetëm 8 kundër, me 9 të përmbajtur, Asambleja Parlamentare e Këshillit të Evropës kishte miratuar rezolutën në vitin 2011, me të cilën kërkon hetime për trafikimin e organeve në Kosovë dhe në veri të Shqipërisë, siç ka akuzuar në raportin e tij deputeti zviceran, Dick Marti.Ky raport famëkeq për shtetin kosovar kishte marrë mbështetje të madhe në Këshillin Sigurim, në të cilin akuzohen zyrtarët të lartë të shtetit kosovarë duke përfshirë edhe vetë presidentin aktual të Kosovës Hashim Thaçi. Marti kishte përsëritur akuzat se Kosova dhe Shqipëria nuk kanë bashkëpunuar sa duhet, ndërsa ka akuzuar edhe Tribunalin e Hagës për shkatërrimin e provave të mbledhura në të ashtuquajturën “shtëpi e verdhë“. Duke folur për ato që e kanë shtyrë ta bëjë këtë raport, Dick Marty ishte shprehur:“Kërkimi i së vërtetës dhe denoncimi i padrejtësisë shpesh është i dhimbshëm, shqetësues dhe gërsheton strategjitë politke me interesat politike. Ne në këtë Asamble kemi thënë gjithmonë se të drejtat e njeriut asnjëherë nuk mund të sakrifikohen”.
Presidenti në detyrë dekreton pasardhësin në detyrë
Presidenti i Republikës, Bajram Begaj dekretoi dje emërimin e Gjeneral Brigade Arben Voke Kingji si Shef i Shtabit të Përgjithshëm të Forcave të Armatosura të Republikës së Shqipërisë.
Gjeneral Brigade Arben Kingji mbante detyrën e Komandantit të Forcës Tokësore. Gjeneral Arben Kingji ka drejtuar Forcën Tokësore të FA dhe më herët ka mbajtur detyrën e komandantit të Batalionit të Mbështetjes në Shtabin e Përgjithshëm të Forcave të Armatosura.Gjeneral brigade Arben Kingji ka ushtruar edhe detyra të tjera si ajo e atasheut ushtarak të Republikës së Shqipërisë në Rumani. Me herët ai ka qenë edhe komandant i Policisë ushtarake. Ka kryer Kursin e Shtabit të Përgjithshëm në Akademinë e Mbrojtjes në Tiranë. Gjeneral brigade Kingji ka mbajtur detyrën e komandantit të kontingjentit në disa misione në Afganistan e Irak.
Në vitin 2016 ai përfundoi edhe studimet për drejtësi në Ëinsdom University. Për kontributet e tij në Forcat e Armatosura, gjeneral brigade Arben Kingji është nderuar me disa medalje. Ai mban edhe medaljen e Artë të Shqiponjës, dhënë nga Presidenti i Republikës..
Yuri Kim uron Shefin e Shtabit të përgjitshëm
Ambasadorja amerikane në vendin tonë Yuri Kim ka uruar Shefin e ri të Mbrojtjes së Forcave të Armatosura Shqiptare. Me anë të një postimi në Tëitter, ambasadorja Kim u shpreh se po pret me padurim vijimin e punës për forcimin e bashkëpunimit ushtarak me Shtetet e Bashkuara “Urime BG Arben Kingji për emërimin e tij në detyrën e Shefit të Mbrojtjes së Forcave të Armatosura Shqiptare. Ne mezi presim të punojmë me të për të vazhduar forcimin e bashkëpunimit ushtarak me Shtetet e Bashkuara, duke përfshirë si aleatë të NATO-s, ndërsa mbrojmë paqen dhe sigurinë në rajon dhe në mbarë botën”, ka shkuar ajo.
