Duhet të ndodhë diçka shumë e rëndësishme që të humbisni ditën tuaj të dasmës…
Kështu që mund të imagjinoni mendimet e nuses së Mohamed Buya Turay kur ai njoftoi se nuk do të ishte prezent në dasmën e tyre sepse klubi i tij i futbollit donte që ai të kthehej herët për stërvitjet parasezonale.
Dasma ishte caktuar për 21 korrik, por klubi suedez Malmo donte që 27-vjeçari të bashkohej me ta sa më shpejt të ishte e mundur. Kështu që Turay la ceremoninë e dasmës dhe udhëtoi në Suedi për t’u prezantuar si lojtar i Malmos më 22 korrik.
Por me një plan ‘dinak’, vëllai i tij ndërroi vendet me të në dasmë për të ecur në korridor përkrah nuses Suad Baydoun.
Turay i tha gazetës suedeze Aftonbladet: “Ne u martuam më 21 korrik në Sierra Leone. Por unë nuk isha atje sepse Malmo më kërkoi të mbërrija më herët’.
Turay kishte pozuar me gruan e tij me veshjet e dasmës para se të nisej për në Suedi dhe i postoi ato në Twitter.
“Ne e bëmë foton paraprakisht, kështu që duket sikur isha atje, por nuk isha. Vëllai im duhej të më përfaqësonte në dasmën aktuale”, tha ai në Twitter.
