Vazhdon “saga” e ndryshimeve në qeveri. Zëvendësministrja e Mjedisit dhe Turizmit, Ornela Çuçi është shkarkuar nga detyra. Vendimi është marrë nga Këshilli i Ministrave, me propozimin e kryeministrit Edi Rama.
“Në mbështetje të nenit 100 të Kushtetutës dhe të pikës 2, të nenit 6, të ligjit nr. 9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave VENDOSI: Znj. Ornela Çuçi, zëvendësministër i Turizmit dhe Mjedisit, lirohet nga kjo detyrë. Ky vendim hyn në fuqi menjëherë”, thuhet në vendim.
Çuçi e mbante këtë post që prej vitit 2017.
Kujtojmë që më herët Rama ka shkarkuar Arben Ahmetajn nga posti i zëvendëskryeministrit, post ky që i kaloi Ministres së Infrastrukturës, Belinda Balluku.
