Të paktën 40 persona humbën jetën dhe 45 u plagosën nga një zjarr brenda një kishe në qytetin egjiptian të Gizës të dielën.
Mediat raportojnë se zjarri i shkaktuar nga një shkëndije elektrike shpërtheu gjatë meshës ndërsa 5000 njerëz ishin mbledhur në kishën koptike Abu Sifin në lagjen Imbaba, thanë burimet e sigurisë.
Zjarri bllokoi hyrjen e kishës, duke shkaktuar kaos, thanë ata, duke shtuar se shumica e të vdekurve ishin fëmijë.
“Besimtarët po mblidheshin në katin e tretë dhe të katërt, dhe ne pamë tym që vinte nga kati i dytë. Njerëzit nxituan të zbrisnin shkallët dhe pengoheshin me njëri-tjetrin,” tha Yasir Munir, një nga besimtarët.
“Më pas dëgjuam një zhurmë, shkëndija dhe zjarr që dilnin nga dritarja,” tha ai, duke thënë se ai dhe vajza e tij ishin në katin e parë dhe mundën të shpëtonin.
Giza është qyteti i dytë më i madh i Egjiptit.
