Kryeministrja e Serbisë, Ana Bërnabiç, pritet të vizitojë Kosovën më 5 shtator.
Lajmi është konfirmuar nga Ministria e Punëve të Jashtme e Kosovës, duke arsyetuar se kërkesa për vizitën është pranuar në kuadër të vizitave të ndërsjellta të përfaqësuesve politikë mes Republikës së Kosovës dhe Serbisë
“Dhënia e lejes për vizitë bazohet në marrëveshjen lidhur me vizitat e ndërsjellta të përfaqësuesve politikë mes Republikës së Kosovës dhe Serbisë”, thuhet në përgjigjen e Ministrisë.
Sipas njoftimit që e ka bërë Zyra për Kosovën në Qeverinë e Serbisë, Bërnabiç do të realizojë një vizitë një ditore në komunat veriore të Kosovës, përkatësisht në Mitrovicën e Veriut, Zveçan dhe Leposaviç.
Sipas këtij njoftimi, kryemintrja so të shoqërohet Petar Petkoviç, drejtori i zyrës për Kosovën në Qeverinë serbe.
“Kryeministrja do vizitojë qendrën e parë multimediale në veri të Kosovës… Pas kësaj ajo do të bëjë një vizitë te Manastiri i Banjskës në Komunën e Zveçanit”, thuhet në njoftim.
Zyra për Kosovën në Qeverinë e Serbisë tha se vizita e Bërnabiç ishte lajmëruar të enjten, 72 orë para vizitës “sipas marrëveshjes për vizita zyrtare”. /REL
