Një vajzë braziliane pretendon se ka sjellë në jetë binjakë me baballarë të ndryshëm pasi kreu marrëdhënie seksuale me dy burra në të njëjtën ditë. Vajza 19 vjeçare nga Brazili shpjegoi se bëri një test të atësisë sepse donte të konfirmonte se kush ishte babai i djemve të saj
Nëna e re kishte vendosur të bënte testin sepse pas tetë muajsh kishte dyshime se kush ishte babai. 19-vjeçarja mblodhi ADN-në nga personi që mendonte se ishte babai i djemve, por pas dy testeve, rezultatet dolën pozitive vetëm për njërin prej binjakëve, raportojnë mediat e huaja.
Më pas asaj iu kujtua se kishte bërë seks me një burrë tjetër në të njëjtën ditë dhe kur personi i dytë bëri një test, ai tregoi se ishte babai i binjakut të dytë. Mjeku Túlio Franco shpjegoi se fekondimi në vezë të ndryshme ndodhi brenda pak orësh midis njërës dhe tjetrës.
Fenomeni njihet shkencërisht si superfekundacion heteroparental. Sipas mjekut, ky është një fenomen jashtëzakonisht i rrallë dhe është rasti i 20-të që ka ndodhur në botë. Mediat lokale raportuan se fëmijët tani janë 16 muajsh, por Dr Franco foli për rastin vetëm këtë javë.
“Kjo shtatzëni ndodh kur dy vezë nga e njëjta grua fekondohen nga burra të ndryshëm. Në këtë rast, materiali gjenetik i prindërve është i ndryshëm dhe vezët e nënës gjithashtu. Foshnjat zhvillohen së bashku në të njëjtën shtatzëni, por secili në placentën e vet”, shpjegoi doktori.
