Prej një muaji, Ervis Martinaj rezulton i zhdukur, teksa Prokuroria e Kurbinit ka vënë nën hetim 110 persona që dyshohet se kanë pasur kontakte me biznesmenin e lojërave të fatit.
Në lidhje me këtë ngjarja ka folur edhe gazetari Poli Hoxha për “Euronews”, i cili është shprehur se një nga pistat kryesore të policisë në lidhje me të shumëkërkuarin Ervis Martinaj, është se ky i fundit është gjallë dhe ndodhet në një vend të Amerikës Latine.
“Një gjë është e sigurt. Një nga pistat në Drejtorinë e Përgjithshme të Policisë, sepse edhe aty ka një hetim policor, kishte nisur përpara se të ikte Gledis Nano, për fatin e Ervis Martin ajt. Një nga pistat kryesore me të dhëna, është që ai ndodhet në një vend të Amerikës Latine.
Është shumë e fortë si pistë. Me çështjen e Ervis Marinajt, segmentë të rëndësishëm të policisë janë kokë e këmbë brenda, segmente të biznesit dhe të politikës nga të dyja krahët. Janë të lidhur me bizneset e tij, me mbrojtjen e tij, me marrëdhëniet e tij, ka biseda telefonike”, theksoi gazetari.
