Sesioni i Parlamentit Europian, që u çel ditën e djeshme në Strasbourg, po vijon edhe ditën e sotme.
Pas konferencës për shtyp të presidentes së PE, Roberta Metsola dhe kryeministres së Finlandës Sanna Marin, po mban fjalën e tij Christofeé Hansen. Ai është një politikan nga Luksemburgu, i cili ka shërbyer si deputet i Parlamentit Evropian që nga viti 2018, duke pasuar fillimisht Viviane Reding dhe duke u rizgjedhur në vitin 2019.
Raportuesi për rregullimin e shpyllëzimit, ka mbyllur kështu edhe konferencën për shtyp, me pjesëmarrjen e paktë të gazetarëve, që duket se nuk patën shumë interes, dhe kjo tregohej nga fakti që salla ishte thuajse bosh.
Pamjet ekskluzive nga fjalimi i Hansen, dhe jo vetëm, i ka siguruar gazetarja e Fjala.al, Monada Mehmetaj, që po ndjek live zhvillimet në Strasbourg.
Kujtojmë që, më herët gjatë ditës, mbajti fjalimin kryeministrja finlandeze Sanna Marin, që ndau me eurodeputetët vizionin e saj për situatën në Evropë dhe të ardhmen e saj, fjalim që u shoqërua me shumë duartrokitje.
Sakaq, sesioni i PE do të zgjasë deri më 18 shtator.
