Rikthehet Champions League dhe fokusi kthehet i gjithi tek supersfida e mbrëmjes: Bayern Munich-Barcelona. Ekipi katalanas kërkon të ‘thyejë’ mallkimin dhe të fitojë për herë të parë në Allianz Arena, kurse ekipi bavarez do të kërkojë të vazhdojë formën pozitive në Champions.
Ndjekim disa nga titujt kryesorë të mediave sportive për ditën e sotme:
Katalanasja Sport hap ditën e sotme me titullin: “Për të ndryshuar historinë”. Barça kërkon të fitojë për herë të parë në Allianz Arena me Lewandowski në më të mirën e tij.
“Gabimi” ka shkruar e përditshmja italiane La Gazzetta dello Sport. Goli i Juventusit ishte i rregullt. “Shfajësohet Banti: “Nuk kishte asnjë imazh të Candrevës”.
Corriere dello Sport gjithashtu e kthen fokusin nga goli i anuluar i Juves: “VAR-i është i verbër”. Arbitrat: “Ne nuk pamë imazhet e golit të rregullt të Milikut”. Nga ana tjetër Roma fiton ndaj Empolit me protagonist absolut Paulo Dybala-n, i cili shënoi një super gold he assistoi për Abraham-in.
“TURP” është titulli i torinezes Tuttosport. Skandali Juve-Salernitana: e nesërmja është edhe më keq! Hage: ‘Nuk i kishim imazhet’. Por VAR mund ta shihte Candrevën”.
“Një gjigant në New York”, AS hapet me kampionin e botës në tenis. Alcaraz pas fitimit të US Open: “Unë nuk kam pasur një rrugë me trëndafila, ju duhet të vuani”. “Do të doja të luaja kundër Federerit, nuk e di nëse mundem”.
Mundo Deportivo hapet me supersfidën në Champions League: “Tani po”. Barça kapet pas Lewandowskit për të thyer mallkimin e Mynihut, ku nuk ka fituar kurrë.
Prestigjozja Marca gjithashtu hapet me tenistin spanjoll: Alcaraz nuk ndryshon por dëshiron më shumë. “Unë do të jem gjithmonë i njëjti djalë”.
“Ne dime si të gjuajmë” është titulli i Britanikes Daily Express Sport. Jurgen Klopp premton rikthimin e Liverpool tek fitorja.
