Themeluesi dhe Drejtori i përgjithshëm i SIGAL UNIQA Group Austria, Avni Ponari ka uruar përmes një statusi në Facebook aktorin Reshat Arbana i cili sot feston 82-vjetorin e lindjes.
Në urimin e Ponarit theksohet krenaria e tij se Arbana ka qenë prej vitesh imazhi i SIGAL UNIQA Group Austria dhe sipas tij, në të gjithë historinë 23-vjeçare të kësaj kompanie, Reshat Arbana ka qenë një bashkëpunëtor i zellshëm.
“Edhe pse koha kalon shpejt, vepra e tij peshon më shumë se 82 vitet që mban mbi supe, për frymëzimin dhe padiskutim modelin e jashtëzakonshëm që sjell në shoqërinë shqiptare”, shkruan ndër rreshta themeluesi i SIGAL UNIQA Group Austria.
Në mënyrë origjinale dhe po aq dashamirëse Avni Ponari uron: “Shekullofsh Baca Reshat!”
STATUSI I PLOTË
Artisti i Popullit, Nderi i Kombit Reshat Arbana, feston sot 82-vjetorin e lindjes. Kam nderin dhe kënaqësinë ta them me shumë mburrje se gjigandi i kinematografisë shqiptare prej vitesh ka qenë imazh i SIGAL UNIQA Group Austria duke qenë një bashkëpunëtor i zellshëm në historinë 23-vjeçare të kompanisë. Edhe pse koha kalon shpejt, vepra e tij peshon më shumë se 82 vitet që mban mbi supe, për frymëzimin dhe padiskutim modelin e jashtëzakonshëm që sjell në shoqërinë shqiptare. Z. Arbana do të jetë gjithmonë ikonë e skenës shqiptare dhe një zë i papërsëritshëm, origjinal dhe frymëzyes për brezat e ardhshëm. Shekullofsh Baca Reshat!
