Kreu i SPAK, Arben Kraja paralajmëroi sot hetime shumë të rëndësishme në luftën kundër pastrimit të parave dhe korrupsionit.
Deklaratën ai e bëri në një tryezë me përfaqësues të Bashkimit Europian dhe institucioneve të Drejtësisë në vend.
Sipas tij “Vendi ynë ndodhet në një fazë shumë të rëndësishme që ka të bëjë me integrimin në BE. Edhe institucionet e zbatimit të ligjit kanë një rol shumë të rëndësishëm se jemi në një stad pak më të lartë. Do kërkohet edhe produkt, jo thjeshtë të kemi institucione. Duke përfshirë edhe situatën e kriminalitetit që ndodhet në Shqipëri që kërkon një reagim të fuqishëm të zbatimit të ligjit”.