Koalicioni i krahut të djathtë i udhëhequr nga partia e ekstremit të djathtë “Vëllezërit e Italisë” duket se do të fitojë zgjedhjet e parakohshme të përgjithshme të Italisë, ndërsa udhëheqësja Giorgia Meloni pritet të formojë qeverinë e re dhe të bëhet kryeministrja e parë femër e vendit.
Ndërkohë, nëna e Melonit, Anna Paratore ka dhënë një prononcim për “La Repubblica” nga shtëpia e saj në Garbatella. Ajo u shpreh se shpreson që ndër vendimet e para të qeverisë së re të jetë eliminimi i turpit të të ardhurave nga shtetësia për 18-vjeçarët.
“Shpresoj të eleminojë turpin e të ardhurave nga shtetësia për 18-vjeçarët, të cilët marrin paratë për të qëndruar në shtëpi, për të luajtur videolojëra dhe t’ua japin ato para të sëmurëve, të moshuarve që nuk ia dalin dot deri në fund të vitit, për ata që kanë vërtet nevojë, jo për ata që nuk duan të punojnë”.
Ajo nuk kishte si të mos ishte e lumtur për vajzën e saj, teksa thotë se e ka komplimentuar dje në telefon.
“Jam e lumtur si çdo nënë që gëzon për fëmijën e saj. Le të presim dhe të shohim se si do të evoluojë skenari. Ne në familje jemi mësuar të jemi të kujdesshëm, por të shohim si do të përfundojë. Sigurisht që jam e lumtur. Ajo i bëri të gjitha vetë”.
Gjithashtu, Paratore kishte dhe një përgjigje ndaj titujve të disa gazetave të cilat flasin për një rrezik neofashist.
“Bëjnë titujt që duan, të gjitha janë marrëzi. Tani duhet të punojmë për të mirën e Italisë”, deklaroi ajo.
