Ish-kryetari i Partisë Demokratike, Lulzim Basha prej rreth një jave ka nisur takimet në terren.
Por kryetari i dorëhequr pas disa humbjeve radhazi në zgjedhje, duket se është kontestuar edhe nga ai mbështetësit e pakët të tij.
Në një mbledhje me anëtarë të PD në Berat, ish-kryedemokrati është përballur me “shpërthimin” e ish-kryebashkiakut të Mallakastrës Agron Kapllanaj.
Ai ia ka përplasur në fytyrë Bashës faktin që e çoi PD drejt dështimeve me pasoja të rënda.
Kapllanaj gjithashtu i ka kërkuar Bashës që të mos rikthehet në krye të PD-së, pasi njeh vetëm disfata.
“A e kuptoni se jeni një kryetar partie i dështuar në të gjithë betejat politike për 9 vjet?! Përse merrni pjesë në këto takime dhe i jepni kosto demokratëve kur vetë jeni tërhequr? Nëse keni plan për tu rikthyer atëherë ne nuk jemi me ju”, ka thënë Kapllanaj.
