Kriza energjetike/ Kumbaro “shqetësohet” nga kondicioneri në konferencën e OKB-së

113 563 lexime

124,178FansaPëlqeje

Ministrja e Turizmit dhe Mjedisit, Mirela Kumbaro ka so marrë pjesë në konferencën ministrore për mjedisin të organizuar nga Organizata e Kombeve të Bashkuara që po mbahet në Qipro.

Kumbaro drejtoi panelin e “Turizmit të Qëndrueshëm dhe Ekonomisë Qarkulluese”, ndërsa ministrat pjesëmarrës vlerësuan modelin e Shqipërisë që ka bashkuar në një portofol ministror turizmin dhe mjedisin, si përgjigjja më e mirë ndaj sfidave aktuale, siç janë turizmi i qëndrueshëm, mbrojtja e mjedisit dhe angazhimet kundër ndryshimeve klimatike.

“Sfidat e viteve të fundit na tregojnë se luftën për një botë më të mirë nuk e fitojnë numrat, por qëndrueshmëria, solidariteti, largpamësia e zhvillimit të qëndrueshëm. Pra, le të ndryshojmë qëndrimin tonë për të rimenduar turizmin, jo vetëm si një aktivitet udhëtimi, por si një zhvillim i qëndrueshëm që ofron kënaqësi, përgjegjësi qytetare dhe emancipim. Duhet të punojmë për zhvillimin e turizmit përmes ruajtjes së mjedisit, nga ana tjetër kemi një potencial të madh me zonat e mbrojtura për të zhvilluar ekoturizmin”, u shpreh Kumbaro.

Pjesë e diskutimit ishte edhe renditja e Shqipërisë si destinacioni me rikuperimin më të shpejtë për flukset e turistëve ndërkombëtarë sipas OBT me +19% krahasuar me vitin 2019, e njëkohësisht rritja e sipërfaqes së zonave të mbrojtura në mbi 21% të territorit.

Në fund të fjalës, Kumbaro pati edhe një kritikë për organizatorët, në lidhje me përdorimin e ajrit të kondicionuar në kushtet e krizës energjetike dhe ndryshimeve klimatike, që mori miratimin e sallës.

“A mund ta kontrollojmë pak ajrin e kondicionuar në këtë sallë, në mënyrë që të kursejmë energji, që të mbrojmë klimën nga gazet serrë, por edhe sepse është shumë ftohtë? Ky është hapi i parë, përpara se të vazhdojmë të flasim sërish për ekonominë qarkulluese dhe për turizmin e qëndrueshëm në këtë konferencë kaq interesante të UNECE”, tha Kumbaro duke marrë miratimin e sallës.

 

Lexo edhe :  Vijon trendi pozitiv i turizmit/ Rritje me 3,2 %, krahasuar me vjet

 

Të fundit

Droni i Policisë kap ‘mat’ 28-vjeçarin në Thumanë duke u kujdesur për serën me kanabis

Një rast i kultivimit të bimëve narkotike është goditur në Thumanë të Krujës, në kuadër të megaoperacionit kombëtar anticannabis...

Si e kam njohur unë Artan Lamen

Ulsi Manja Nuk shkruajta dje, me shpresën se mos Zoti do bënte mrekullinë e dytë – pas asaj të parës në vitin 2016 – por...

E rëndë në Tiranë/ Italiani ndërron jetë pas ndërhyrjes në një klinikë dentare

Një 63-vjeçar Italian ka ndërruar jetë mëngjesin e sotëm dhe shkaku dyshohet të ketë lidhje me një ndërhyrje kirurgjikale që ai kishte bërë më...

Krimi Zgjedhor/ Prokuroria e Përgjithshme bën bilancin: 107 kallëzime, 7 të arrestuar

Prokuroritë pranë gjykatës së shkallës së parë me juridiksion të përgjithshëm, deri në datën 22.05.2025, në lidhje me veprat penale në fushën e zgjedhjeve,...

A e dinit se kafja me stomak bosh rrit stresin dhe ankthin?

Çdo mëngjes, miliona njerëz në mbarë botën zgjohen dhe shkojnë drejt e në kuzhinë për të mbushur veten me një filxhan kafe; me shpresën...

Lajme të tjera

Web TV