Rektori i Universitetit të Mjekësisë, Arben Gjata, theksoi se kanë kërkuar që të hapen programe specializimi në fushën e mjekësisë, pra përveç 6 viteve fakultet, të jenë dhe 4 vite të tjera specializim.
Në një intervistë për Euronews Albania, Gjata nënvizoi se dega e mjekësisë duhet të shoqërohet dhe me detyrim që studentët të qëndrojnë për një periudhë kohe në Shqipëri, pra të mos largohen sapo të mbarojnë universitetin.
“Lëvizja e mjekëve në vende të ndryshme nuk është thjeshtë një fenomen shqiptar, por një fenomen që ndodh gjithandej përfshirë dhe Gjermaninë.
Ne kemi kërkuar që të hapen sa më shpejt programet e specializimit, pra përveç 6 viteve në mjekësi bëjnë dhe 4 vite specializim.
Unë do isha dakord që duke e futur në degët prioritare mjekësinë, kjo të shoqërohej dhe me detyrim për të qëndruar në Shqipëri për njëfarë kohe pasi mbaroje fakultetin. Formimi i studentëve të mjekësisë i kushton shumë shtetit shqiptarë dhe nuk janë para të shqiptarëve”- theksoi ai.
