Drejtuesi Politik i Partisë Socialiste për qarkun e Fierit Taulant Balla së bashku me kryetaren e Bashkisë së Lushnje Eriselda Sefa kanë parë sot nga afër punimet që po kryhen për sistemimin dhe rrethimin e një tjetër fushe të kompleksit sportiv ”Roza Haxhiu”.
Balla në fjalën e tij theksoi se lushnjes do t’i rikthehen të gjitha fushat e munguara të futbollit për të gjitha grupmoshat.
“Ne do t’i rikthejmë Lushnjes të gjitha fushat e futbollit për të gjitha moshat. Në fakt kjo fushë ishte e lënë në harresē dhe fakti që do të jetë me bar artificial jo vetëm për ekipin e futbollit Lushnje, por ajo që është e rëndësishme dhe meraku im është ekipi i moshave dhe Akademia e Lushnjes. Ne duhet të nxisim që fëmijët e të gjitha moshave të meren me sport.
Balla gjithashtu tha se përveç projektit të fushave të futbollit do të vijohet edhe projekti me fusha basketbolli apo volejbolli nëpër blloqe pallatesh.
Balla theksoi se e rëndësishme të theksohet është kthimi i hapësirave publike banorëve.
“Që nga marsi e deri me sot ne kemi çliruar shumë hapësira pubilke. Kjo është një fitore shumë e madhe, pra rikthimi i hapësirave publike në pronësi tē qytetit. Hap pas hapi të gjitha fushat sportive do t’i kthehen qytetit, më moderne se kurrë dhe në funksion të një të ardhmeje të sigurtë”, theksoi Balla.
