Kryeminitri Edi Rama ka mbërritur në Strasburg.
Lajmin e ka bërë të ditur vetë kryeministri i cili ka publikuar një video në rrjetet sociale teksa shtrëngon duart me ata që e presin.
Pjesë e delegacionit shqiptar janë Blerina Gjylameti, Etilda Gjonaj, Klotilda Bushka, Jorida Tabaku, Elisa Spiropali dhe Taulant Balla.
Rreth orës 15:30, Rama do të mbajë një fjalim në Asamblenë e Këshillit të Evropës, ku do të kërkojë rishikimin e rezolutës 1782 të vitit 2011 ose atë që njihet ndryshe si Raporti Dick Marty.
Shqipëria do të kërkojë hedhjen poshtë të akuzave për trafikim të organeve të qenieve njerëzore gjatë luftës në Kosovës, të cilat janë në raportin e senatorit zviceran.
