Materniteti “Koço Gliozheni”/ Nis realizimi i qendrës së parë për riprodhimin e asistuar

113 563 lexime

124,178FansaPëlqeje

Përfundon investimi për bllokun e ri operator dhe repartin e obstetrikës në maternitetit “Koço Gliozheni”. Ministrja e Shëndetësisë dhe Mbrojtjes Sociale, Ogerta Manastirliu tha se ky investim dhe rritja e kapaciteteve do t’u shërbejë më shumë nënave dhe fëmijëve në vendin tonë.

“Unë jam e kënaqur që sot ne përfundojmë këtë investim në bllokun e lindjes, investimin në bllokun operator edhe në pavionin e obsetrikës, për të realizuar atë vizion që ne kemi të gjithë së bashku, për ta çuar në një nivel më të lartë shëndetësinë publike në Shqipëri dhe mbi të gjitha për të garantuar kushte shumë më të mira pune për stafin tonë profesional dhe për nënat e reja dhe të porsalindurit. Ne nuk kemi bërë thjesht një rikonstruksion të bllokut operator apo bllokut të lindjes. Ne kemi rritur kapacitetet e bllokut operator dhe të bllokut të lindjes, sepse tashmë në kuadër të Strategjisë Kombëtare të Shëndetësisë një prej objektivave themelorë është rritja e aksesit në kujdesin shëndetësor dhe rritja e cilësisë së shërbimeve”, tha Manastirliu.

Duke theksuar se investimi në maternitetin “Koço Gliozheni” do të vijojë me fazën e dytë të punimeve, Manastirliu ka dhënë lajmin e mirë se buxheti i vitit 2023 do të mbështesë një projekt madhor, siç është ngritja e qendrës së parë të riprodhimit të asistuar në maternitetin “Koço Gliozheni”.

“Ne do të vijojmë në fazën e dytë të investimit, me Bllokun e Urgjencës dhe Qendrën e Gruas në maternitetin “Koço Gliozheni”. Por edhe me një projekt të cilin ne duam që ta rimarrim dhe ta vendosim në funksion të të gjithë mbështetjes për familjet e reja, riprodhimin e asistuar. Ne jemi të angazhuar si qeveri që, duke filluar nga viti tjetër të vendosim fondet përkatëse për të realizuar këtë projekt që besojmë që do të jetë një projekt madhor. Menjëherë sapo të miratohet buxheti 2023, ne të fillojmë punën për të bërë të mundur edhe realizimin e qendrës së parë të riprodhimit të asistuar këtu në maternitetin “Koço Gliozheni”, tha Manastirliu.

Të fundit

Gjendet e pajetë në banesë adoleshentja, ‘ngrihet në këmbë’ grupi hetimor

Një 17-vjeçare dyshohet se i ka dhënë fund jetës duke u vetëvarur. Adoleshentja raportohet se është gjetur e pajetë...

Dhjetëra të vdekur nga i nxehti ekstrem në Meksikë

Gjithsej 48 persona kanë vdekur brenda dy muajve për shkak të të nxehtit ekstrem në Meksikë, me pothuajse gjysmën e vdekjeve të regjistruara vetëm...

Rita Lati zbulon parodinë që e bëri të famshme (Video)

Rita Lati ka ushqyer me humor publikun shqiptar prej dekadash, duke shkruar emrin e saj krah aktoreve më të dashura. Në fillimet e saj u...

Pse duhani kushton më lirë në Shqipëri?

Duhanpirja në Shqipëri vijon të mbetet në nivele të larta ku pothuajse gjysma e meshkujve konsumojnë duhan. Niveli i konsumit tejkalon ndjeshëm  vendet e...

1 në 5 adoleshentë, obez/ Shkak kequshqyerja dhe mungesa e aktivitetit fizik

Raporti i fundit i hartuar nga organizata botërore e shëndetësisë në europë përfshirë edhe Shqipërinë ka nxjerr në pah se shifrat e obezitetit janë...

Lajme të tjera

Web TV