Ish zëdhënësja e kreut të PD Sali Berisha, Erla Mëhilli, ka folur lidhur me primaret që pritet të zhvillohen në Partinë Demokratike.
Gjatë një inerviste për “Report TV”, ajo u shpreh se nuk është pro primareve, duke i cilësuar ato si një humbje kohe për opozitën në këto kushte që ndodhet.
Në fjalën e saj Mëhilli shprehet se bisedimet e zhvilluara mes palëve nuk janë të sinqerta, dhe se dyshon te një bashkim real i Partisë Demokratike.
“Ka një problem. Ka një pjesë të tyre e duan bashkimin, por ka dhe një pjese tjetër demokratët çfarë nuk kanë dëgjuar. Njëra palë që i thotë palës tjetër “llum” “Peng” “non-grata”. Nuk e kanë shumë të thjeshtë ta kapërcejnë, nuk e kanë të thjeshtë as të kapërcejnë 8 janarin. Pra edhe nëse do të ketë një bashkim, tek i cili unë dyshoj fort, që do të ketë një bashkim real. Do të ishte një bashkim mekanik, pragmatik dhe kam dyshime që ky bashkim do të arrihet.
Po të kemi parasysh edhe deklaratat e ndryshme që bëjnë deputetët nga të dyja palët. Unë kam pasur në studio nënkryetarin e parlamentit, z.Gjekmarkaj. Zoti Bardhi u shpreh që me Sali Berishën që ai është “non-grata” ai nuk ka ndryshuar asgjë.
Po, nëse duam ta thjeshtojmë kjo është situata. Të dyja palët në sytë e demokratëve, njëra palë do të heqë vëmendjen nga humbja që do pësojnë, pala tjetër do thonë në e bëmë tonën, por nuk deshi pala tjetër. PD-ja nuk i ka kushtet për të bërë primaret në kushtet në të cilat është. Më duket një energji e humbur kot”, tha ajo.
