Deputeti demokrat Dashnor Sula nga foltorja e parlamentit ironizoi ish-zëvendës kryeministrin Arben Ahmetaj duke e cilësuar atë si ‘dragua’ dhe veten si “fshatar nga Peqini”.
“Unë fshatar nga Peqini nuk kam çfarë të them kur flet dragoi. Me të vërtetë të besoni te këto llogjet që thoni këtu në Parlament. Mos rreni se është turp. Mjaft keni vjedhur, mos vidhni dhe dalin lekët për popullin. Kaq mor kaq. Nuk u ngopët, punuat 8 vite për shtëpitë tuaja, këto 4 të paktën punoni për ne popullin e thjeshtë. Rusi ka ardhur, atje është, por mos i bëni rrugët 23 mln euro km.
Se ajo firma amerikane nuk paska vjedhur te rruga e Kombit, tani te Slavica qenka burrë i mirë. Mos e bëni atë instalacionin që kërkon kryeministri se është 4 mln euro. Mos harroni inceneratorët e pyetja ishte për atë që iku, a prodhon energji inceneratori i Elbasanit, thatë do na ndihmojë dhe do prodhojë energji. Jo. Pse? Se ka ikur në drejtim të paditur tjetri.
Ju na thoni ne fukarenjve, përshesh po hamë. Aq shumë keni ngrënë dhe keni vjedhur se një pjesë e politikanëve u kërcet unaza e stomakut. Uleni pak dozën se është gjynah. Zonja ministre i kemi lënë institucionet me 60 mln euro borxh, sot është 200 mln euro. Fermat e Bitcin janë gropa të zeza të energjisë elektrike”, u shpreh ai.
