Lear Kurti është 32-vjeçari i cili ndërroi jetë në rrethana të paqarta mbrëmjen e djeshme pas shoqërimit në komisariatin e Policisë nr.3 në Tiranë.
Historia e jetës së Learit, duket se është tejet e trishtë.
Prindërit e 32-vjeçarit, Artur Isai dhe bashkëshortja e tij kanë treguar për mediat, se ata e kishin marrë Learin nga jetimorja, kur ai ishte vetëm 2-vjeç dhe e rritën si djalin e tyre.
Gjatë një interviste telefonike, babai më herët tregoi se ata ende nuk e dinë shkakun e vdekjes, por ai hodhi akuza mbi policinë, duke u shprehur “ata e mbytën”.
“Nuk e kam parë trupin e djalit, Kam qenë gjithë natën jashtë morgut dhe sot dhe nuk më kanë dhënë asnjë lloj shpjegimi. Cilat autoritete? Ato që e kanë mbytur?! Ku ka këtu shtet. Gjeta ata të SHKB-së aty më thanë nuk dimë gjë, kur të bëhen ato… nga ora 10 ose 11 do të të themi. Leari ishte në rrugë të zotit, kur u kap nga policia. Nuk ka qenë asnjë person i rrezikshëm për ta trajtuar në ato lloj formash”, ka thënë babai i tij.
