Ish deputeti Nard Ndoka ka qenë i ftuar në emisionin “Wake up”, ku ka folur sot për temën e punësimit.
Ai ka treguar se vetë ka punuar që 14 vjeç në Fierzë dhe se fëmijët e tij i ka mësuar të mos përfitojnë nga puna e tij, apo nga fakti që është politikan.
Ai nuk ka lënë mënjanë as batutat, teksa është shprehur se “papunësi ka kudo në botë… po flas si Elisa Spiropali”, duke shkaktuar të qeshura në studio.
Sipas tij, papunësi ka kudo në botë, por në vendin tonë mungojnë politikat për punësimin.
“Unë kam punuar që 14 vjeç në Fierzë. Edhe fëmijët e mi i kam futur në punë që 14 vjeç, kamarier, banakier”, ka treguar Ndoka.
