Ish-kryeministri Sali Berisha ka komentuar ditë ne sotme vendimin e Britanisë së Madhe për ta shpallur non-grata, teksa ka zbuluar dhe arsyen e këtij vendimi.
Në një intervistë për RTSH, Berisha shprehet se autoritetet britanike e akuzojnë për lidhje me krimin, teksa një prej emrave të përmendur është Fajton Dauti, i cili u bë i njohur pasi shkelmoi derën e selisë së PD-së, gjatë kohës së protestave kur kjo parti drejtohej nga Lulzim Basha.
“Më akuzojnë për lidhje me organizata kriminale për një njeri që unë nuk e kam takuar kurrë, nuk e kam njohur kurrë. Ambasadori britanik këtu, Allistar Kingsmith në mënyrën më korruptive, ia paraqet këtë qeverisë së tij si argument të lidhjes sime me të.
Një njeri normal këtë nuk mund ta bëjë kurrë. Fatjon Dautin e dëgjova për herë të parë në jetë atë ditë kur shkelmoi derën në PD. Sigurisht në mënyrë korruptive, sepse është një burokrat i korruptuar, politikisht apo në mënyra të tjera nuk e di, por duhet të dijë ai që po të studiojë në arkivën e tij, Sali Berisha, në raport me krimin e organizuar, ka patur një luftë të suksesshme të qeverisë ndaj krimit të organizuar në Britaninë e Madhe, falë bashkëpunimit të autoriteteve shqiptare.”- tha Berisha.
