Duket se mediat britanike nuk na “shënjestrojnë” vetëm për keq. Pas një ‘furtune’ lajmesh lidhur me emigrantët e paligjshëm, i kanë kushtuar një artikull turizmit shqiptar.
Tabloidi “Mirror” që ka vendosur t’i dedikojë vendit tonë një reportazh për bukuritë natyrore, duke e quajtur si “Maldivet e Europës”.
Gazeta shkruan se në Shqipëri mund të gjenden plazhe të mrekullueshme si ai i Ksamilit, me akomodim modern dhe me çmime shumë herë më të lira se plazhet ekzotike në Maldive.
“Nëse ai çmim është shumë i lartë dhe kilometrat e ajrit që nevojiten për të arritur në Maldive shumë të mëdha, atëherë ekziston një opsion më i lirë shumë më afër shtëpisë, që mund të krahasoshet me parajsën e plazhit.
Ksamili në Shqipërinë e Jugut po shpallet nga TikTokers dhe influencuesit – ndoshta me inkurajimin e qeverisë së vendit – si “Maldivet e Shqipërisë”, thuhet ndër të tjera në artikullin e Mirror.
