Deputeti Enekelejd Alibeja ka kërkuar të sanksionohet gjuha e përdorur nga kryeminstri Edi Rama ndaj opozitës në Kuvend.
“Kryeministri që po ikën duhet të dëgjojë diçka. Ulu, ulu. Bedelë, budallenj, i pa fe, dele, të shitur. vetëm një njeri që mund të ngrihet në pikë të mëngjesit dhe ka një hall vjen në Parlament dhe përdor këtë gjuhë.
Ai do të donte t’ia kthenim me të njëjtën gjuhë. Unë i kërkova vetëm një gjë të thjeshtë, nxirr letrat. Ky fjalor ndryn gjithë këtë Parlament. Këto fjalë janë të tilla që meritojnë një sanksionim nga kryetarja e Kuvendit. Ju duhet të shpreheni tani”, tha Alibeaj.
Ndërkohë që Rama i është përgjigjur sërish me të njëjtën gjuhë.
“Dëgjo këtu zotrote. Këto janë më të rënda se sa e vërteta që ju jeni këlyshë të rrahur që të vegjël kur keni hyrë te dera e Shupit. Ju bëni si llazore edhe ky është një fakt. Ju jeni të pa fe, pa din, pa iman dhe keni lënë prova.
Ti je një krye bedel i një tufe bedelësh që nuk kanë din, iman dhe Atdhe”, iu drejtua Rama.
