Një ngjarje e rëndë ka ndodhur mbrëmjen e sotme në Vlorë, ku si pasojë e një sherri me thika, kanë mbetur të plagosur dy persona, babë e bir.
Shtetasi R.K. ka plagosur me thikë vjehrrin e tij Xhevdet Braushin, 60 vjeç dhe kunatin e tij, Albion Braushi 30 vjeç.
Mesohet se ngjarja ka ndodhur në lagjen “1 Maji”, ndërsa dy të plagosurit janë transportuar në spital.
Vlorë/Informacion paraprak
Rreth orës 21:30, në lagjen “1 Maji”, dyshohet se pas një konflikti të çastit për motive të dobëta, shtetasi R. K., ka plagosur me mjet prerës thikë, vjehrrin dhe kunatin e tij, shtetasit Xh. B., rreth 60 vjeç dhe A. B., rreth 30 vjeç, të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes. Shërbimet e Policisë po kontrollojnë zonën me qëllim lokalizimin dhe kapjen e autorit të dyshuar.
