Ambasadori gjerman në Prishtinë, Jorn Rode, ka bërë thirrje që barrikadat në veri të Republikës së Kosovës të hiqen para Krishtlindjeve.
Ai ka shtuar se kërkesa e Beogradit për kthimin e forcave serbe në Republikën e Kosovës është “absurde dhe e papranueshme”.
Rode më tej ka thënë se barrikadat duhet të largohen sa më shpejt: “Qëndrimi ynë është i qartë. Janë të paligjshme dhe kush i ka vendosur duhet t’i heqë sa më shpejt. KFOR është këtu dhe ofron një mjedis të sigurt dhe lëvizje të lirë. Ndaj jam optimist se do të realizohet, shpresoj sa më shpejt, sepse gjëja e fundit që na duhet është përshkallëzimi i mëtejshëm i situatës”.
