Kryeministri Edi Rama e krahasoi opozitën me personazhet e filmit shqiptar “Koncert në vitin 1936”.
Në një prononcim për mediat në mbyllje të ceremonisë inaguruese për nisjen e punimeve për godinën e re të Teatrit Kombëtar, Rama tha se protestuesit janë të lirë të kenë fantazi dhe ta çojnë çështjen në Strasburg, përsa kohë që nuk përdorin dhunën.
Pas përfundimit të ceremonisë, në prononcimin për mediat, Rama e quajti Aleancën për Teatrin, grupin e çingijve, që sipas tij vijon të anojë nga e kaluara.
“Cingijet e atij koncerti nuk ishin, por protagonistët po. Ka një hije që e ndjek Shqipërinë nga pas. Jua kam thënë, ka 100 vite. Unë nuk kam lidhje me kërkesën e tyre për Strasburgun.
Janë të lirë të fantazojnë përsa kohë e bëjnë në mënyrë paqësore. Përsa i përket përmbajtjes, kush do qan, kush do, qesh, kush do ju përshëndet, si unë.”-tha Rama.
