Të paktën shtatë persona u vranë në një shpërthim në një restorant në Nazilli, një lagje e provincës perëndimore turke të Aydin të premten. Po ashtu, raportohet se pesë persona të tjerë kanë mbetur të plagosur.
Guvernatori i provincës tha për Anadolu Agency (AA) se gjetjet fillestare treguan se shpërthimi ndodhi ndërsa stafi po ndërronte një bombol bosh gazi të përdorur në kuzhinë, rreth orës 15:30. Sipas tij, katër persona të tjerë u plagosën nga shpërthimi.
Pamjet nga vendi i ngjarjes treguan rrënojat e një restoranti që shiste doner qebap në katin e parë të një ndërtese shumëkatëshe, fasada e së cilës ishte shkatërruar nga shpërthimi.
Operacionet e shpëtimit janë duke u zhvilluar në vendin e ngjarjes. Imazhet në mediat sociale tregojnë ekipet e zjarrfikësve dhe të shpëtimit që po shuanin zjarrin ndërsa shtëllunga të dendura tymi shpërthyen nga restoranti, i cili duket se është shkrumbuar pas shpërthimit.
