Avokati Redi Ramaj tha në një intervistë për “Good morning Albanians” në Euronews Albania se duhen 6 deri në 8 muaj që një çështje divorci të nisë në gjykatë, kjo për shkak të mungesës së gjyqtarëve.
Ai sqaroi se në dijeninë e tij janë diku te 5 gjyqtarë që merren me çështjet familjare dhe shtoi se ka një numër të konsiderueshëm me gjyqtarë që janë të fokusuar te këto lloj çështjesh.
“Për shkak të ngarkesës, sot në Gjykatën e Tiranës nëse një gjyqtar para 2-3 vjetësh kishte një sasi prej 600-700 dosjesh për çdo çështje, sot mund të ketë diçka te 1500 dosje,” – u shpreh Ramaj.
Sipas tij puna është dyfishuar dhe është e pamundur të përcaktohen seanca në një hark kohor të shkurtër.
