I ftuar në studion e Faxnews ka qenë analisti Agim Baçi, për të folur rreth zhvillimeve më të fundit në Partinë Demokratike.
Baçi tha se gjithçka që po ndodh është luftë për pushtet. Ai shtoi se Alibeaj me shkarkimin e 4 deputetëve nga grupi thjesht e formalizoi.
Më tej Baçi tha për Faxnews se qëllimi i Berishës është tërheqja e Alibeajt nga gjyqet dhe njohja e tij zyrtarisht si kryetar i PD
Baçi: Nuk ka përjashtim që ta forcojë një parti, tregojnë që ka një krizë. Behet fjalë për nje vendim të një kryesie të vitit të shkuar. Është një vendim që thjesht Alibeaj në formalitet e zbatoi. Gjithcka kishte nisur më përpara kur mediat raportuan se deputeti Salianji kishte nisur firmat për shkarkimin dhe zëvendeimin e Alibeaj. Ka një paradoks të madh këtu se zoti Shehu, Bylykbashi që i kam dëgjuar, qoftë edhe Këllici, deklarojnë se kanë mbajt qëndrime të ashpra për Aliebjan por nga ana tjetër nuk e kanë njohur se kanë për kryetar grupi Luciano Bocin. Pse duhet të zemërohen kur parimisht e kanë shkarkuar Alibeajn.
Kjo është thjesht cështje numrash, se grupi parlamentar është i vetmi institucion i pakontestueshëm nga ana e ligjshëmrisë por edhe autoritetit. I vetmi që ka legjitimitet është grupi parlamentar sepse është votuar, ka votën e demokratëve. Berisha e ka shumë të rëndësishme të marr grupin, prandaj bëhet dhe kjo beteja..
Ka të bëjë se kush do të ketë kontrollin e politikave që do të bëhen në Kuvend.
Mbledhja e firmave nga Salinaji
Zoti Salianji tentoi të bënte atë që Berisha nuk e arriti me zotin Boci kur e shpalli si kryetar grupi, dhe tenton tani të ndryshojë ekuilibrat, dhe duke gjetur një të ndërmjetëm, që më 8 janar ka qenë brenda godinës dhe tani tenton të bashkojë grupet.
Pas kësaj beteje është këmbëngulja e zotit Berisha për të ndryshuar planet me Alibejan, se rënia nga kreu i grupit parlamentar, mdryshon politikat, mund të ketë tërheqje. Qëllimi i Berishës është tërheqja e Alibeajt nga gjyqet dhe njohja e tij zyrtarisht si kryetar i PD. Është luftë për pushtet.
