Ka përfunduar seanca e parë në Gjykatën Kushtetuese për mandatin e Ministres së Jashtme Olta Xhaçka .
Në seancën e sotme që nisi në orën 10:00 u shqyrtua kërkesa e 14 deputetëve të Partisë Demokratike për heqjen e mandatit të Xhaçkës.
Përfaqësuesi i PD-së, Marash Logu ka kërkuar që GJK të detyrojë Kuvendin që ta cojë në gjyq mandatin e Xhaçkës, ndërsa pala tjetër kundërshton.
Përfaqësuesi i Kuvendit pretendon se kërkesa e Partisë Demokratike nuk ka përmbushur as kriteret formale që duhen.
Erind Mërkuri ka marrë në mbrojtje ministren Olta Xhaçka dhe është shprehur se Kuvendi do të kërkojë rrëzimin e kërkesës së pasi veprimet e familjarëve nuk mund të përfshihen tek veprimet e deputetit.
Opozita pretendon se deputetja Xhaçka është në konflikt të hapur interesi, sepse kompania e bashkëshortit të saj, pra edhe ajo vet, kanë përfituar pasuri publike shtetërore, gjatë investimit në një objekt turistik.
Ndërsa sipas socialistëve, ky rast nuk ka të bëjë me konflikt interesi, dhe propozojnë në raportin e tyre, që mocionet e opozitës të mos i përcillet Gjykatës Kushtetuese, sepse shoqëria e bashkëshortit të deputetes Xhaçka do të ndërtojë me leje në një truall privat dhe nuk ka ndonjë kontratë me institucione për të përfituar nga prona publike.
Gjykata Kushtetuese pas dëgjimit të pretendimeve nga palët, u tërhoq për vendim.
Vendimi pritet të shpallet brenda 30 ditëve.
