Në Kukës është zbuluar një magazinë e mbushur me lëndë kimike, radioaktive dhe municion luftarak. Për rrjedhojë policia e Kukësit ka arrestuar në flagrancë pronarin e magazinës, 44 vjeçarin Durim Mata i cili mbante armë zjarri pa leje.
Ekspertët e Institutit të Policisë Shkencore kanë marrë kampione të këtyre lëndëve, me qëllim ekspertimin kimik të tyre, nga ekspertët e Institutit të Fizikës Bërthamore dhe të Radiologjisë. Pritet të bëhen testet për të përcaktuar nivelin e rrezikshmërisë së këtyre lëndëve për shëndetin e qytetarëve.
Ndërkohë që ende nuk dihet qëllimi i mbajtjes dhe i përdorimit të tyre nga 44 vjeçari që i kishte në pronësi.
Gjatë kontrollit në këtë magazinë u gjetën edhe një armë zjarri kallashnikov, 3 krehra dhe një sasi municioni luftarak, të cilat u sekuestruan në cilësinë e provës materiale.
