Një bombul gazi që përdorej për gatim ka shpërthyer në një banesë në Korçë dhe për pasojë Klodian Gjoka, 40 vjeç ka mbetur i plagosur. Ngjarja ka ndodhur në lagjen “Radanec”.
I dëmtuari u dërgua në spitalin e Korçës për ndihmë mjekësore ndërsa grupi hetimor po punon për zbardhjen e rrethanave të ngjarjes.
Njoftimi i policisë:
Korçë/Informacion paraprak
Më datë 30.01.2023, rreth orës 14:30, në lagjen nr.17, Korçë, ka shpërthyer një bombul gazi në banesën e shtetasit K. Gj., rreth 40 vjeç. Ky shtetas për pasojë ka pësuar djegie trupore dhe u dërgua për mjekim, në spitalin e Korçës ku ndodhet jashtë rrezikut për jetën.
Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.
