Kryetari i PD-së, Sali Berisha ka folur dhe per zgjedhjet e 14 Prillt.
Ndonëse nuk e pranoi hapur se kishte marrë një letër nga deputeti Gazment Bardhi për të bashkëpunuar, ai pohoi se po ecet drejt këtij procesi.
“Ne jemi të hapur të bisedojmë, bashkëpunojmë me të gjithë demokratët. E kam theksuar këtu. Një dyshe është në kontroll të plotë të Ramës. Kjo është dyshja Ali-Basha. Demokratët i bashkojnë më shumë gjerat se sa i ndajnë. Do ecim drejt bashkimit”, tha ai.
Pas deklaratës së kryetarit të KQZ-së, Ilirjan Celibashi se PD mund të rrezikojë edhe regjistrimin për zgjedhjet e 14 majit, reagoi sot edhe kryedemokrat, i cili tha se PD ka vendimin e Gjykatës, që njeh Kuvendin e 11 Dhjetorit që u mbaj nga grupi i Berishës.
“PD ka vendimin e gjykatës për kuvendin e 11 dhjetorit. Në çdo vend të lirë të botës, ai të nesërmen duhej regjistruar në regjistrin e partive politike dhe të shoqatave. Atë vendim e mban peng Rama. Do zgjedhë KQZ vendimin e gjykatës apo pengun e gjykatës, është çështje e tyre. Ne kemi vendimin e Gjykatës. Kjo është e vërteta absolute, e pamohueshme. Të gjitha të tjera janë marrje peng dhe konfiskim i vendimit. Këtu para jush kam denoncuar autorët e kësaj pengmarrje.”, theksoi Berisha.
