Gazetari Mustafa Nano ka reaguar në lidhje me pjesëmarrjen në protestën e thirrur nga kreu i PD, Sali Berisha. Sipas tij, fakti që Berisha ka 10 mijë veta në shesh është një shifër që e turpëron shoqërinë shqiptare.
“Të gjithë e shohin si shenjë të mirë që Berisha mblodhi 10 mijë vetë, jo më shumë. Personalisht, nuk mendoj se ka arsye për t’u ngazëllyer. 10 mijë veta në mbështetje të Berishës në vitin 2023 janë shumë. Është një shifër që e turpëron shoqërinë shqiptare. Edhe 2-3 mijë do ishin shumë” shkruan Nano.
Ky reagim vjen pas protestës që mbajti sot Sali Berisha, në bashkëpunim me Ilir Metën, aleatin e tij, ku premtuan “revolucion” dhe rrëzimin e qeverisë Edi Rama, por kjo nuk ndodhi. Mbetet për të pritur çdo të ndodhë të hënën, kur ka thirrur protestën e radhës, kohë kur do të zhvillohet dhe seanca plenare.
