Një 60-vjeçar ka humbur jetën në Shkodër pasi zjarri përfshiu banesën e tij.
60-vjeçari, Kapllan Nasufi i cili i përkiste komunitetit egjiptian humbi jetën brenda në shtëpisë ndërsa bashkëshortja e tij e cila u lëndua rëndë thuhet se është nisur me urgjencë drejt Tiranës.
Banorët e komunitetit thonë se ambulanca dhe zjarrfikësja kanë mbërritur me vonesë në vendngjarje.
Është djeg shtëpia. Burri ka mbetur brenda. Kemi dy orë që marrim zjarrfikësen dhe nuk kanë ardhur.
Bashkëshortja është dërguar në spital për shkak të plagëve të marra. Ata kanë qenë në momentin e zjarrit në shtëpi. Ajo është djeg në fytyrë. Nuk dihet nëse e kanë çuar për Tiranë, është gjynah i Zotit. Ne jemi njerëz, nuk jemi kafshë. Jetojnë me qira si familje se nuk kanë shtëpi.
Ndërkohë një tjetër qytetar tha se autoambulanca është vonuar për mbi një orë.
Kanë ardhur shumë vonë. Kemi lajmëruar zjarrfikësen gjashtë herë. Pas 1.5 orësh kanë ardhur zjarrfikësja dhe ambulanca, Policia ka ardhur shpejt
